د روسیې د بهرنیو چارو وزیر د جي شل هېوادونو لۀ غونډې پۀ غوسه وتلی دی 

د روسیې د بهرنیو چارو وزیر د جي شل هېوادونو لۀ غونډې پۀ غوسه وتلی دی 

د امریکا د بهرنیو چارو وزیر انتوني بلینکن په وینا، لوېدیځو متحدینو د تړلو دروازو تر شا، د لاوروف په حضور کې په پراخه کچه پر اوکراین د روسیې پوځي یرغل وغانده.

(2022 / 7 / 9   نېټه باغي ټلویزیون)

بشپړ راپور 

د روسیې د بهرنیو چارو وزیر سرګي لاوروف پرون وروسته له هغه د جې۲۰ یا د نړۍ د شلو سترو اقتصادونو له غونډې په غوسه ووت چې لویدیځو ځواکمنو هیوادونو پر اوکراین باندې د مسکو پر پوځي یرغل نیوکې وکړې.

د جي ۲۰ کنفرانس د اندونیزیا په بالي ښار کې جوړ شوی او روسیه هم د دې ډلې غړیتوب لري. واشنګټن او متحدینو یې تر غونډې مخکې د روسیې برید وغانده.

د امریکا د بهرنیو چارو وزیر انتوني بلینکن په وینا، لوېدیځو متحدینو د تړلو دروازو تر شا، د لاوروف په حضور کې په پراخه کچه پر اوکراین د روسیې پوځي یرغل وغانده.

بلینکن وویل چې د جي۲۰ ډلې غړو په دې کنفرانس کې پر اوکراین د روسیې د تیري د پای ته رسیدو غوښتنه وکړه.

اړوند موضوعات: 

نن د جي شل هېوادونه غونډه پۀ اندونیزیا کې ترسره کېږي 

اندونیزیا هم چې د دغه کنفرانس کوربه توب کوي، له روسیې غوښتي چې د اوکراین کړکېچ د خبرو له لارې حل کړي. خو دپلوماتانو ویلي، لاوروف په داسې حال کې له کنفرانس څخه ووت چې د جرمني د بهرنیو چارو وزیرې انالینا بیربوک پر اوکراین د روسیې پر پوځي یرغل نیوکه وکړه.