سری لنکا هم آیی ایم ایف څخه د مرستو غوښتنه کړې

باغی ټي وي رپورټ
له کنګل کیدو وروسته، سریلانکا د تېلو د واردولو لپاره د پیسو په نړیوال صندوق (IMF) ته ورغلې او ورته ی ویلي دي چې د تیلو واردولو لپاره ورسره ډالر نشته.

په سريلانکا کې اقتصادي کړکېچ لاپسې شدت موندلی او د سريلانکا لومړي وزير په راتلونکو ورځو کې د خوراکي توکو د کمښت په اړه خبرداری ورکړی دی.

د سریلانکا لومړي وزیر ویلي دي چې په راتلونکو میاشتو کې به په سریلانکا کې شاوخوا ۵ میلیونه وګړي په مستقیم ډول د خوارځواکۍ له امله اغیزمن شي.
له بلې خوا، په سریلانکا کې د تیلو د سخت کمښت له امله، حکومتي کارکوونکو ته امر شوی چې د دوو اونیو لپاره له کور څخه کار وکړي.

د جمهور خبري آژانس د خبر له مخې د سریلانکا د عامه ادارې وزارت پرېکړه کړې، چې د عامه ترانسپورت د ځنډولو او د شخصي موټرو لپاره د پټرول د نه شتون له امله یوازې د اړتیا وړ کارکوونکي دفترونو ته واستوي.

تر دې مخکې په سریلانکا کې دولتي کارکوونکو ته اجازه ورکړل شوې وه چې په اونۍ کې څلور ورځې کار وکړي.په سریلانکا کې ښوونځي هم د دوو اونیو لپاره تړل شوي او د پوهنې وزارت د بریښنا رسولو په اړه آنلاین ټولګي مشروط کړي دي. د پوهنې وزارت له ښوونکو او زده کوونکو غوښتي، چې د برېښنا په برخه کې دې د انلاین ټولګیو له پیله ډاډ ترلاسه کړي.

سریلانکا د تیلو د وارداتو د نه ورکړې له امله د تیلو له بحران سره مخ ده او د پیسو له نړیوال صندوق سره د بیل آوټ بسته په اړه خبرې کوي. د IMF یو پلاوی به د دوشنبې په ورځ کولمبو ته لاړ شي چې د پور ورکولو لپاره جایزه واخلي.