امریکا دې د افغانانو بد وضعت پای ته رسولو پر خاطر د دوی شتمني آزاده کړي 

امریکا دې د افغانانو بد وضعت پای ته رسولو پر خاطر د دوی شتمني آزاده کړي 

دغه نشریې ته د سپټمبر د یوولسمې پېښې د قربانیانو کورنیو ویلي چې دوی د بېوزله افغانانو شتمني نه غواړي او امریکايي حکومت یې باید ژر تر ژره آزاده کړي.

(2022 / 6 /  18   نېټه باغي ټلویزیون)

بشپړ راپور  

امریکا دې د افغانانو کنګل شوې شتمني ازاده کړي. ورلډ پولټيک رېویو په یوه اوږده مقاله کې د افغانستان پر وضعیت او کنګل شوې شتمنۍ خبرې کړې دي.

سرچینه کاږي چې امریکا په ناروا توګه د افغانانو میلیاردونه ډالر شتمني کنګل کړې ده او دغه هېواد یې له ناوړه اقتصادي وضعیت سره لاس او ګریوان کړی دی.

دغه نشریې ته د سپټمبر د یوولسمې پېښې د قربانیانو کورنیو ویلي چې دوی د بېوزله افغانانو شتمني نه غواړي او امریکايي حکومت یې باید ژر تر ژره آزاده کړي.

دوی ویلي چې دا شتمني باید میاشتې وړاندې د افغانانو د ژغورلو لپاره آزاده شوې وی.

نشریې هم ویلي چې د شتمنۍ د کنګل دوام به د نړۍ او افغانستان لپاره معکوسې پایلې ولري چې مسوولیت به یې پر امریکا وي.