سعودي عربستان لۀ افغانستان سره ۳۰ میلیونه ډالره مرسته کوي 

سعودي عربستان لۀ افغانستان سره ۳۰ میلیونه ډالره مرسته کوي 

د سعودي حکومت ویلي، چې په افغانستان کې تر اقتصادي بحران وروسته افغانانو سره دا ډول مرستې اړینې دي او که دا مرستې ونه شي، نو د سیمې او نړۍ سوله او ثبات ورسره زیانمنیږي.

(2022 / 6 / 11  نېټه باغي ټلویزیون)

بشپړ راپور 

سعودي عربستان د افغانستان د بشري مرستو له صندوق سره د ۳۰ میلیونه ډالرو مرستې اعلان کړی دی. د سعودي دولتي اژانس خبر ورکړی چې د افغانستان د بشري مرستو صندوق د اسلامي پرمختیايي فنډ تر چتر لاندې د اسلامي همکاریو په همغږۍ فعالیت کوي.

سرچینې زیاته کړې دا مرسته د سعودي د هغو بشردوستانه هڅو برخه ده چې خپلو وروڼو او ملګرو هېوادونو سره د مرکز ملک سلمان او د پرمختیا لپاره د سعودي د فنډ ادارې لخوا یې کوي.

د سعودي حکومت ویلي، چې په افغانستان کې تر اقتصادي بحران وروسته افغانانو سره دا ډول مرستې اړینې دي او که دا مرستې ونه شي، نو د سیمې او نړۍ سوله او ثبات ورسره زیانمنیږي.

سعودي رسنیو ویلي، چې سعودي عربستان په تېرو څو کلونو کې له افغانستان سره د شاوخوا یو میلیارد سعودي ریالو مرسته کړې دي.