بهرنیو چارو وزارت لۀ هند سره د سیاسي او دیپلوماتیکو اړیکو غوښتنه کړې ده

بهرنیو چارو وزارت لۀ هند سره د سیاسي او دیپلوماتیکو اړیکو غوښتنه کړې ده

په دغه لیدنه کې هندي پلاوي ډاډ ورکړی، چې د افغانستان په کورنیو چارو کې به لاسوهنه ونه کړي او د دوه اړخیزو اړیکو د پیاوړتیا لپاره به ورته لیدنو ته دوام ورکوي.

(2022 / 6 / 3  نېټه باغی ټلویزیون)

بشپړ راپور 

د بهرنیو چارو وزارت سیاسي مرستیال شیر محمد عباس ستانکزي، له هندي پلاوي سره په کتنه کې ویلي، چې د ا.ا د بهرني متوازن سیاست له مخې هند سره د سیاسي، اقتصادي او فرهنګي اړیکو پياوړتیا غواړي.

په دغه لیدنه کې هندي پلاوي ډاډ ورکړی، چې د افغانستان په کورنیو چارو کې به لاسوهنه ونه کړي او د دوه اړخیزو اړیکو د پیاوړتیا لپاره به ورته لیدنو ته دوام ورکوي.

د هند د بهرنیو چارو وزارت مرستیال جی پي سنګ پرون کابل ته په یوه رسمي سفر راغلی دی. دا لومړی ځل دی چې د هند حکومت لوړپوړی استازی افغانستان ته سفر کوي.

هندي رسنۍ وایي چې نوی ډهلي په پام کې لري څو له کابل سره ډيپلوماتیکې اړېکې پیل او خپل سفارت بېرته پرانیزي.