ملګري ملتونو ویلي چې پۀ وروستیو کې نړۍ کې د جګړو لۀ امله ۱۰۰ میلیونه کسان بېځایه شوي دي 

ملګري ملتونو ویلي چې پۀ وروستیو کې نړۍ کې د جګړو لۀ امله ۱۰۰ میلیونه کسان بېځایه شوي دي 

د کډوالو په چارو کې د ملګرو ملتونو عالي کمېشنرۍ د معلوماتو په اساس په ۲۰۲۱ کال کې په ټوله نړۍ کې د بې ځایه شويو کسانو شمېر ۹۰ میلیونه تنه و چې لويه برخه يې د ايتوپیا، بورکینافاسو، میانمار، نایجریا، افغانستان او کنګو جمهوریت اوسيدونکي وو.

(2022 / 5 / 24  نېټه باغي ټلویزیون)

بشپړ راپور 

د کډوالو په چارو کې د ملګرو ملتونو عالي کمېشنري وایي، په نړۍ کې د جګړو، تاوتریخوالي او زورزیاتي له کبله د بې ځایه شويو کسانو شمېر د لومړي ځل لپاره له ۱۰۰ میلیونو واوښت.

د کډوالو په چارو کې د ملګرو ملتونو عالي کمېشنرۍ نن په یوې اعلامیې کې ویلي چې د خلکو د بې ځایه کېدو لامل په نړۍ کې روانې خونړۍ جګړې دي.

د ملګرو ملتونو د معلوماتو پر اساس يوازې سږ کال د اوکراین د جګړې کبله اته ميليونه کسان په کور د ننه او شپږ ميليونه نور بيا نورو هيوادونو ته کډوال شوي دي.

د کډوالو په چارو کې د ملګرو ملتونو عالي کمېشنرۍ د معلوماتو په اساس په ۲۰۲۱ کال کې په ټوله نړۍ کې د بې ځایه شويو کسانو شمېر ۹۰ میلیونه تنه و چې لويه برخه يې د ايتوپیا، بورکینافاسو، میانمار، نایجریا، افغانستان او کنګو جمهوریت اوسيدونکي وو.