افغان او امریکايي لوري پر روان وضعیت خبرې کړې دي
افغان او امریکايي لوري پر روان وضعیت خبرې کړې دي
د بهرنیو چارو وزارت ویاند عبدالقهار بلخي وايي، افغان لوري ویلي چې امنیت تامیین شوی، له فشارونو سره سره بانکي سیستمونه فعال دي، د سلګونه زره پخوانیو او اوسنیو کارکوونکو معاشونه ورکول کېږي او د وضعیت د لا ښه کېدو لپاره هڅې روانې دي.
( 2022 / 5 / 22 نېټه باغي ټلویزیون)
بشپړ راپور
د افغانستان لپاره د امریکا ځانګړي استازي توماس ویسټ په تازه ټويټ پیغامونو کې ویلي چې د بهرنیو چارو له سرپرست وزیر سره یې افغانستان کې د روان وضعیت او مېرمنو د حقونو په اړه د نړیوالو د واحد دریځ او اندېښنو په اړه خبرې کړې دي.
د ویسټ په خبره د مېرمنو پر وړاندې د افغان حکومت وروستي فشارونه ورته اندېښمنوونکې دي.
په دې تلیفوني مکالمه کې د افغان مېرمنو او بشري حقونو لپاره د امریکا ځانګړې استازې رینا امیري هم خبرې کړې دي.
دواړو خواوو له نوي حکومت غوښتي چې له روانو کړو فشارونو لاس په سر شي ځکه دا د نړیوالې ټولنې غوښتنه ده.
بهرنیو چارو وزارت هم دغه مکالمه تاییدوي او وايي چې دواړو لورو پر مهمو موضوعاتو خبرې کړې دي او افغان حکومت په دې موده کې د خپلو لاس ته راوړنو په اړه خبرې کړې دي.
د بهرنیو چارو وزارت ویاند عبدالقهار بلخي وايي، افغان لوري ویلي چې امنیت تامیین شوی، له فشارونو سره سره بانکي سیستمونه فعال دي، د سلګونه زره پخوانیو او اوسنیو کارکوونکو معاشونه ورکول کېږي او د وضعیت د لا ښه کېدو لپاره هڅې روانې دي.
Leave a reply
