اوزبیکستان به طالبان: چرخ‌بال‌های دولت پیشین را دوباره نمی‌دهیم

0
42

تلویزیون باغی: عصمت‌الله ارگاشف، نماینده ویژه رییس جمهور اوزبیکستان در امور افغانستان گفته است که حدود ۵۰ فروند هواپیما و چرخ‌بال متعلق به نیروی هوایی پیشین افغانستان را که به اوزبیکستان انتقال داده شده است، به طالبان نخواهند داد.

صدای امریکا به نقل از این مقام اوزبیکستانی گزارش داده است که این چرخ‌بال‌ها متعلق به امریکا است و به طالبان سپرده نمی‌شود.

نماینده ویژه اوزبیکستان در امور افغانستان به صدای امریکا گفته است: «دولت امریکا هزینه این بالگردها و هواپیماها را پرداخته است.» به گفته او، «واشنگتن دولت سابق افغانستان را تأمین مالی می‌کرد، لذا این کاملاً به واشنگتن بسته‌گی دارد که با این بالگردها و هواپیماها چه می‌کند.»

پیش از این جان کربی، سخنگوی پنتاگون گفته بود: «می‌توانم بگویم که چرخ‌بال‌ها به افغانستان فرستاده نخواهد شد تا توسط طالبان استفاده شود.»

این در حالی است که ملا یعقوب، سرپرست وزارت دفاع طالبان چندی قبل با هشدار به اوزبیکستان و تاجیکستان، خواستار بازگرداندن هواپیماهای افغانستان شده بود. ملا یعقوب گفته بود: «حوصله ما را امتحان نکنید، طیارات و هواپیماهای ما را برگردانید.»

گفتنی است که در هنگام سقوط کابل در ماه اگست ۲۰۲۱ شماری از خلبان‌های نیروی هوایی پیشین افغانستان این چرخ‌بال‌ها را به اوزبیکستان و تاجیکستان انتقال داده بودند.

وزارت دفاع امریکا: چرخبال‌های ارتش پیشین افغانستان به طالبان داده نمی‌شود

Leave a reply