ګوتریش: د ملګرو ملتونو امنیت شورا د اوکراین جګړې مخنیوي کې پاتې راغلې 

ګوتریش: د ملګرو ملتونو امنیت شورا د اوکراین جګړې مخنیوي کې پاتې راغلې 

ګوترش وویل ملګري ملتونه به له خپلو موجوده امکاناتو څخه په استفادې سره هڅه وکړي چې د ماریپول د اوسپنې په فابریکې کې ایسار ولسي خلک خوندي واېستل شي. د اوکراین ولسمشر ولاديمیر زیلیسنکي وویل چې باور لري دا هلې ځلې به بریالۍ نتیجه ورکړي.

(2022 / 4 / 29  نېټه باغي ټلویزیون)

بشپړ راپور 

د ملګرو ملتونو عمومي منشي انتوني ګوترش ومنله چې د امنیت شورا ونه توانېدله په اوکراین کې د جګړې د مخنیوي او ختمولو لپاره پوره هڅه وکړي.

ګوترش پرون په کیف کې د اوکراین له ولسمشر ولاديمیر زیلینسکي سره په یو ګډ خبري‌ کنفرانس کې وویل چې د امنیت شورا د دغې جګړې د مخنیوي او ختم لپاره ونه توانېدله، هر هغه څه چې په واک کې لري، و یې کاروي.

له دغه کنفرانس څخه څو ساعته وروسته روسیې د اوکراین د مرکز کیف ځينې سیمې په توغندیو ووېشتلې.

د راپورونه په اساس په روانه میاشت کې روسیې تر دې دمه په اوکراین باندې تر ټولو قوي بریدونه کړي دي.

ګوترش وویل ملګري ملتونه به له خپلو موجوده امکاناتو څخه په استفادې سره هڅه وکړي چې د ماریپول د اوسپنې په فابریکې کې ایسار ولسي خلک خوندي واېستل شي. د اوکراین ولسمشر ولاديمیر زیلیسنکي وویل چې باور لري دا هلې ځلې به بریالۍ نتیجه ورکړي.