سور صلیب وايي چې د افغان کارګرو ماشومانو شمېر ورځ تر بلې پۀ ډېرېدو دی 

سور صلیب وايي چې د افغان کارګرو ماشومانو شمېر ورځ تر بلې پۀ ډېرېدو دی 

ده ويلي چې د دې وضعيت د بدلون لپاره بايد نړيوالې هڅې چټکې شي. تر دې مخکې د ماشومانو د خونديتوب نړيوالې ادارې هم د افغان ماشومانو پر وضعيت اندېښنه ښودلې وه او ويلي يې وو چې پنځه ميليونه هغه له سختې لوږې سره مخ دي.

(2022 / 4 / 26  نېټه باغي ټلویزیون)

بشپړ راپور 

د سره صليب نړيوالې کمېټې ويلي چې د افغانانو د ملاتړ لپاره روانې هڅې بايد چټکې شي.

دې کمېټې په افغانستان کې د ورځ تر بلې ډيرېدونکې بېوزلۍ او اقتصادي بحران پر پراختيا د اندېښنې په څرګندولو سره ويلي چې یادو عواملو د ماشومانو وضعيت سخت ترينګلی کړی دی.

په افغانستان کې د سره صلیب نړیوالې کمېټې مشر ایلوي فیلیون ویلي چې د افغان کارګرو ماشومانو شمېر ورځ تر بلې لوړيږي. هغه ويلي، هره ورځ داسې ماشومان پر کارونو اخته ويني چې ټول بايد په ښوونځيو کې وي او زده کړې وکړي.

ده ويلي چې د دې وضعيت د بدلون لپاره بايد نړيوالې هڅې چټکې شي. تر دې مخکې د ماشومانو د خونديتوب نړيوالې ادارې هم د افغان ماشومانو پر وضعيت اندېښنه ښودلې وه او ويلي يې وو چې پنځه ميليونه هغه له سختې لوږې سره مخ دي.