د هوايي ډګرونو مدیریت؛  د ا.ا. یو پلاوی یې د مدیریت پۀ اړه دوحې ته تللی 

د هوايي ډګرونو مدیریت؛  د ا.ا. یو پلاوی یې د مدیریت پۀ اړه دوحې ته تللی 

ویل کیږي چې په دغه لیدنه کې د ترکیې د تخنیکي ټېمونو استازي هم حضور ولري. دغه پلاوی تر هغې وروسته دوحې ته سفر کوي چې د کابينې اقتصادي کمېسيون تېره اونۍ د بهرنيو چازو وزارت ته لارښوونه کړې وه، څو قطر ته د هوايي ډګرونو د مديريت د قرارداد اخيستو مهلت وټاکي.

(2022 / 4 / 23   نېټه باغي ټلویزیون)

بشپړ راپور 

د ترانسپورت او هوايي چلند وزارت وايي چې د افغانستان د ا.ا يو لوړپوړی پلاوی د هوايي ډګرونو د مدیریت پر قرارداد د بحثونو لپاره قطر ته تللی دی.

د دغه پلاوي مشري د ترانسپورت او هوايي چلند د وزیر حمیدالله اخندزاده په غاړه ده او د بهرنیو چارو وزارت د سرپرست امیر خان متقي په ګډون یو شمېر نورو چاروکې هم پکې شامل دي.

د ترانسپورت وزارت په وینا ټاکل شوې دغه پلاوی له قطري چارواکو سره د افغانستان د پنځو هوايي ډګرونو په ځانګړي ډول د کابل، کندهار، هرات، بلخ او خوست هوايي ډګرونو د قرارداد پر تخنیکي اړخونو بحثونه وکړي.

ویل کیږي چې په دغه لیدنه کې د ترکیې د تخنیکي ټېمونو استازي هم حضور ولري.

دغه پلاوی تر هغې وروسته دوحې ته سفر کوي چې د کابينې اقتصادي کمېسيون تېره اونۍ د بهرنيو چازو وزارت ته لارښوونه کړې وه، څو قطر ته د هوايي ډګرونو د مديريت د قرارداد اخيستو مهلت وټاکي.