ایران ویلي چې افغانستان د ایران حقابې ته ژمن دی 

 ایران ویلي چې افغانستان د ایران حقابې ته ژمن دی 

په ورته مهال د طالبانو د اوبو او انرژۍ وزارت په یوه خبرپاڼه کې ویلي چې دوی به د همکارۍ او باور په فضا کې له دوست ګاونډي ایران سره په ۱۹۷۳ کال کې لاسلیک شوی تړون په بشپړه توګه عملي کړي.

د افغانستان لپاره د ایران ځانګړي استازي حسن کاظمي قومي ویلي، چې د دواړو هېوادونو ترمنځ د شته هوکړې له مخې طالبان د ایران د اوبو حقونو ته ژمن دي.

د تهران نیوز د راپور له مخې، حسن کاظمي قومي تېره اوونۍ په چین کې د افغانستان په اړه جوړه شوې غونډه کې له طالبانو سره لیدلي  دي.

ښاغلي قومي زیاته کړې، چې افغان پلاوی کابل ته له راستنېدو وروسته د ایران د اوبو پر حق ټینګار کړی او په خبره یې طالبانو ورته ډاډ ورکړی چې دوی د ایران حقابې ته ژمن دي.

د هغه په باور په دې کتنه کې د دواړو هېوادونو د سرحدي پولو پر امنیت، سیاسي ثبات او دغه راز پر امنیتي مسایلو هم خبرې اترې شوې دي.

تر دې وړاندې د طالبانو ویاند ذبیح الله مجاهد ویلي وو چې دوی له ایران سره شته هوکړې ته ژمن دي او د افغانستان د وچکالۍ له هواري وروسته به هېواد د هلمند له سیند اوبه ترلاسه کوي.

اړوند موضوعات: 

ایرانیو رسنیو خبر ورکړی چې طالبانو ایران سره د هلمند سیند حقابه منلې ده  

په ورته مهال د طالبانو د اوبو او انرژۍ وزارت په یوه خبرپاڼه کې ویلي چې دوی به د همکارۍ او باور په فضا کې له دوست ګاونډي ایران سره په ۱۹۷۳ کال کې لاسلیک شوی تړون په بشپړه توګه عملي کړي.