امریکا له کاناډا غوښتي چې زرګونه افغان کډوالو ته په خپل هېواد کې ځای ورکړي

امریکا له کاناډا غوښتي چې زرګونه افغان کډوالو ته په خپل هېواد کې ځای ورکړي

کاناډا هم وایي چې دوی ددې کسانو د منل کېدو پر پروسه کار کوي او هڅه کوي ژر تر ژره یې چارې نهایي کړي. امریکا له افغانستان د وتلو پر مهال زرګونه کسان ایستلي دي، خو لا هم داسې کسان شته چې د افغانستان پر ځای په یوه درېیم هېواد کې دي او امریکا یې باید له دې هېوادونو تخلیه کړي.

(2022 / 3 / 24  نېټه باغي ټلویزیون)

بشپړ راپور 

د امریکايي رسنیو د راپورونو له مخې امریکا او کاناډا دمګړی په ګډه پر هغه پلان کار کوي چې له مخې به یې پنځه زره افغان کډوال د امریکا پر ځای کاناډا ته لېږل کېږي.

د سرچینو په خبره دا هغه کډوال دي چې امریکا ته یې د ځانګړو وېزو غوښتنه کړې خو د امریکا پر ځای به کاناډا ته لېږل کېږي. دا کسان له امریکا نه بلکې له بل درېیم هېواد کاناډا ته لېږل کېږي.

کاناډا هم وایي چې دوی ددې کسانو د منل کېدو پر پروسه کار کوي او هڅه کوي ژر تر ژره یې چارې نهایي کړي. امریکا له افغانستان د وتلو پر مهال زرګونه کسان ایستلي دي، خو لا هم داسې کسان شته چې د افغانستان پر ځای په یوه درېیم هېواد کې دي او امریکا یې باید له دې هېوادونو تخلیه کړي.