پیښور، قصه خوانۍ چاودنه کې وژل شوو پولیسو جنازې نمونځ ادا کړې شو

باغی ټي وي رپورټ
د پيښور قصه خواني کوچه رسالدار په ځانمرګي برید کې د شهيد شووو دوه پوليس اهلکارو د جنازې لمونځ ملک سعد شهيد پوليس لائن پيښور کښې ادا کړے شو، جنازه کښې د خيبر پښتونخوا وزيراعلي محمود خان ګډون کړے دے، د صوبای کابینې نور غړي هم ددوی په جنازه کې شریک وو.
جنازه کښې د صوبائي کابينې غړو کامران بنګش، بيرسټر محمد علي سيف، د خېبرپښتونخوا د پوليسو انسپکټر جنرل معظم جهان انصاري، سي سي پي او پيښور محمد اعجاز خان او نورو حکومتي چارواکو هم موجود وو۔
د دواړو شهيد شوو پوليس اهلکارو جنازه په پوليس لائن پيښور کښې په سرکاري اعزاز سره ادا کړې شوه۔ د پوليس چتمو ډلې اهلکارو شهيدانو ته سلامي ورکړه .
د یادونې ده چې د پروني ځانمرګي برید ذمه واري داعش خراسان ډلې په خپله غاړه اخستې چې په کې دوه پولیس اهلکار هم وژل شوي دي.