قطر وايي چې د افغانستان خلکو سره د مرستې لپاره خیریه بنسټ جوړوي 

قطر وايي چې د افغانستان خلکو سره د مرستې لپاره خیریه بنسټ جوړوي 

د اسلامي امارت مرستیال ویاند انعام الله سمنګاني د آل ثاني له قوله ویلي چې هغه په دې ستونزمن وضعیت کې د افغانانو ترڅنګ درېږي او له افغانستان سره خپلو همکاریو ته دوام ورکوي.

(2022 / 1 / 14  نېټه باغي ټلویزیون)

بشپړ راپور 

د قطر د شاهي کورنۍ غړی شیخ عبدالله بن محمد آل ثاني، د افغان حکومت له رییس الوزرا محمد حسن آخوند سره په کتنه کې، د افغانستان له خلکو سره د مرستې لپاره د خیریه بنسټ د جوړولو خبر ورکړی دی.

رییس الوزرا په دغه کتنه کې ویلي چې افغان حکومت غواړي له قطر سره ښې اړیکې ولري.

هغه اسلام د دواړه اړخیزو همکاریو د پراختیا بستر بللی او ټینګار یې کړی چې دا دوه وروڼه او مسلمان هېوادونه د غوره اړیکو پراختیا ته ژمن دي.

د اسلامي امارت مرستیال ویاند انعام الله سمنګاني د آل ثاني له قوله ویلي چې هغه په دې ستونزمن وضعیت کې د افغانانو ترڅنګ درېږي او له افغانستان سره خپلو همکاریو ته دوام ورکوي.

اړوند موضوعات: 

 د ترکیې او قطر د بهرنیو چارو وزیرانو د افغانستان پۀ اړه خبرې کړې ده 

قطر له هغو هېوادونو څخه دی چې له اسلامي امارت سره نږدې اړیکې لري او د مخکیني حکومت او طالبانو ترمنځ د سولې خبرواترو د ناستو کوربه و.