ایران: د بلوڅ آزادي غوښتونکو یو مشر مو وژلی 

ایران: د بلوڅ آزادي غوښتونکو یو مشر مو وژلی 

سپاه پاسداران دا عملیات رهبري کول او ادعا کوي چې په دې عملیاتو کې شپږ بلوڅ وسله والو او درې د سپاه پاسداران وسله وال وژل شوي دي.

(2022 / 1 / 2  نېټه باغي ټلویزیون)

بشپړ راپور 

ایران د بلوڅ مبارزینو د یوه مشر د وژلو ادعا کړې ده. ایران وایي چې په جنوب ختیځه برخه کې د سیستان بلوچستان په مربوطاتو کې یې د بلوڅ وسله والو پر مرکز پراخ عملیات کړي دي.

سپاه پاسداران دا عملیات رهبري کول او ادعا کوي چې په دې عملیاتو کې شپږ بلوڅ وسله والو او درې د سپاه پاسداران وسله وال وژل شوي دي.

بلخوا بلوڅ مبارزین بیا وايي چې غلام شه بخش په دې عملیاتو کې نه دی وژل شوی او د سپاه پاسداران ادعا بې بنسټه ده.

ایرانی حکومت وایي چې بخش د وسله والو مخالفینو مشري کوي او د هغو کسانو په ډله کې دی چې د ایراني حکومت تر تعقیب لاندې دي.

بلوچستان هغه پراخه سیمه ده چې د ایران او پاکستان له لوري قبضه شوې خو مبارزین یې له کلونو راهیسې له دواړو هېوادونو د خپلو حقونو د ترلاسه کولو لپاره جګړې کوي.