د ا.ا.ا: افغان هندوان بېرته افغانستان ته راستنېږي 

د ا.ا.ا: افغان هندوان بېرته افغانستان ته راستنېږي 

د ننګرهار والي اهل هنودو هېوادوالو ته د دوی د امنيت، خونديتوب او حقونو ته د پاملرنې ډاډ ورکړی او هېواد ته د بېرته راګرځيدو د ادعا شوې پرېکړې هر کلی او ستاينه يې کړې.

(2021 / 12 / 31  نېټه باغي ټلویزیون)

بشپړ راپور 

په ننګرهار کې د اسلامي امارت چارواکي د دې ولايت د هندو باورانو له خولې وايي، چې ننګر هار ته له بهر څخه اهل هنود هېوادوال بېرته راستنیږي.

دا خبره د ننګرهار والي مزمل سره د ليدنې پر مهال جلال اباد ښار کې د اهل هنودو هېوادوالو کلانتر جسبير سنګهـ حکيم زاده کړې ده.

سرچينه وايي، چې دغه هندوان او کورنۍ به یې ډير ژر له بهر څخه بېرته هېواد ته را ستنې شي.

د طالبانو په اعلامیه کې د هندو باورو په حواله ویل شوي، چې د اسلامي امارت له تېرې واکمنۍ هم ښې خاطرې لري او غواړي پاتې ژوند هم په خپل هېواد کې تېر کړي.

اړوند موضوعات: 

د ملګرو ملتونو د راپور پۀ اساس سږکال ۵۰۰ زره افغانان ایران ته کډوال شوي دي 

د ننګرهار والي اهل هنودو هېوادوالو ته د دوی د امنيت، خونديتوب او حقونو ته د پاملرنې ډاډ ورکړی او هېواد ته د بېرته راګرځيدو د ادعا شوې پرېکړې هر کلی او ستاينه يې کړې.