ازبکستان و تاجیکستان در توافق با امریکا شماری از هواپیماهای افغانستان را نگه می‌دارند

تلویزیون باغی: خبرگزاری رویترز گزارش داده که کشورهای ازبکستان و تاجیکستان از امریکا خواسته‌اند که تعدادی از هواپیماهای افغانستان را که درجریان سقوط کابل به این کشورها برده شده‌اند را نگه دارند.

این خبرگزاری به نقل از مقامات امریکایی گفته‌است که حکومت امریکا درخواست این دو کشور را در زمینه نگه‌داری تعدادی ازهواپیماهای افغانستان بررسی می‌کند.

این در حالی ‌است که بر اساس تخمین خلبانان افغان، آن‌ها در جریان سقوط کابل ۴۶ هواپیما را به ازبکستان و ۱۷ هواپیمای دیگر را بهتاجیکستان برده‌اند.

این هواپیماها از سوی امریکا در اختیار نیروهای امنیتی حکومت پیشین قرار گرفته‌بود.

طالبان بارها از ازبکستان خواسته‌اند تا هواپیماهای یادشده را به آن‌ها تحویل دهد؛ درخواستی که علیرغم روابط سیاسی تاشکند – کابل،هنوز اجابت نشده‌است.

ده‌ها خلبان نیروی هوایی افغانستان هم که در جریان سقوط به کشور تاجیکستان رفته‌بودند پس از چند ماه بلاتکلیفی به تاریخ ۱۸ عقربتوسط امریکا به کشور سوم منتقل شدند.

این گروه از خلبانان در پایان جنگ افغانستان با هواپیماهای نظامی به تاجیکستان رفتند و توسط مقامات تاجیک بازداشت شدند و منتظرانتقال به ایالات متحده بودند.

این گروه از نظامیان افغان، آخرین تیم عمده خلبانان آموزش‌دیده توسط امریکا بود که با تسلط طالبان به خارج از افغانستان گریخت ودر تاجیکستان در بلاتکلیفی به سر می‌برد.

بارها گزارش‌هایی درباره بازداشت این افراد توسط دولت تاجیکستان منتشر شد و از جمله گفته می‌شد که یکی از خلبانان زن که بارداربوده، نگران سرنوشت کودک‌اش بوده‌است.