د عامې روغتیا وزارت خبر ورکړی چې د کرونا ناروغۍ غیر فعال روغتونونه به بېرته فعال کړي 

د عامې روغتیا وزارت خبر ورکړی چې د کرونا ناروغۍ غیر فعال روغتونونه به بېرته فعال کړي 

په افغانستان کې د طالبانو له واکمنۍ سره، د هېواد په ډېرو برخو کې د کرونا ناروغانو د درملنې او د کرونا په ځانګړي روغتونونو کې د هغوی د درملنې په ګډون په بېلابېلو روغتیايي برخو کې د خدماتو وړاندې کولو بهیر ګډوډ شو.

(2021 / 12 / 13  نېټه باغي ټلویزیون)

بشپړ راپور 

طالبان اراده لري چې د نړیوالې ټولنې په ملاتړ ټول هغه روغتونونه چې د کرونا ناروغانو د درملنې لپاره ځانګړي شوي فعال کړي.

د افغانستان د عامې روغتیا وزارت هم ویلي چې د دغو روغتونونو په پرانیستلو سره به د کرونا ناروغانو درملنه او پالنه وشي.

دغه روغتونونه د تېر حکومت له نسکورېدو وروسته بېرته پرانېستل کېږي، چې فعاليتونه يې وځنډول شول.

له هغه وخت راهیسې د طالبانو واک ته رسېدلي د عامې روغتیا وزارت په هېواد کې د کرونا د وضعیت په اړه معلومات نه دي خپاره کړي او ولس د معلوماتو په خلا کې دی.

په همدې حال کې د پخواني حکومت د عامې روغتیا وزارت د کرونا ویروس د خپرېدو د مخنیوي لپاره ځانګړي پلانونه په لاس کې درلودل.

پخواني حکومت د دې ناروغۍ سره د مبارزې لپاره ملیونونه ډالر ځانګړي کړي وو.

تر اوسه طالبانو خپل پلانونه نه دي په ډاګه کړي. اوس چې د کرونا ویروس (اومیکرون) پۀ نوې بڼه رامنځته شوی دی، ویره شته چې ډیری هیوادوال به د یاد ویروس قرباني شي.

اړوند موضوعات: 

امریکا کې د کرونا نوې بڼه پۀ چټکۍ سره د پراختیا پۀ حال کې ده 

په افغانستان کې د طالبانو له واکمنۍ سره، د هېواد په ډېرو برخو کې د کرونا ناروغانو د درملنې او د کرونا په ځانګړي روغتونونو کې د هغوی د درملنې په ګډون په بېلابېلو روغتیايي برخو کې د خدماتو وړاندې کولو بهیر ګډوډ شو.

د کرونا یو شمېر فعالو روغتونونو هم خپلو کارکوونکو ته د معاشونو د نه ورکړې او د اکسیجن او درملو له کمښت شکایت کړی دی.