ملګرو ملتونو طالبان لۀ ښځو سره پۀ توپيري چلند تورن کړي دي 

ملګرو ملتونو طالبان لۀ ښځو سره پۀ توپيري چلند تورن کړي دي 

په دغه راپور کې له طالبانو غوښتل شوي، چې په خپلو ژمنو ودرېږي او د ښځو حقونو ته درناوی وکړي.

د یادونې ده چې د طالبانو تر راتګ وروسته ګڼ شمېر ښځینه کارکوونکې په کور کېناستې او دغه راز په ټول هېواد کې د نجونو ښوونځي وتړل شول.

(2021 / 12 / 9  نېټه باغي ټلویزیون)

بشپړ راپور

ملګرو ملتونو په خپل تازه راپور کې ویلي، چې طالبان په افغانستان کې له ښځو سره د ژوند په تولو برخو کې توپیري چلن کوي.

ملګرو ملتونو په دغه راپور کې چې پرون چهارشنبه د ډسمبر په ۸مه یې خپور کړی، ویلي یې چې په افغانستان کې د طالبانو له راتګ وروسته د ښځو د حقونو برخه کې شاتګ لیدل شوی دی.

راپور کې ویل شوي، چې که څه هم طالبانو ډاډ ورکړی چې د اسلام په چوکاټ کې به د ښځو حقونو ته درناوی کوي،‌ خو افغانې ښځې او نجونې د خپلو حقونو په برخه د چټکو بدلونونو شاهدانې دي او وضعیت په خرابېدو دی.

ملګرو ملتونو دغه راز زیاته کړې چې د نجونو او ښځو د زده‌کړو په برخه کې د طالبانو بدلون او تګلارې د تېرو شلو کالو کې د لاسته راوړنو د له منځه تللو سبب شوې دي.

په دغه راپور کې له طالبانو غوښتل شوي، چې په خپلو ژمنو ودرېږي او د ښځو حقونو ته درناوی وکړي.

د یادونې ده چې د طالبانو تر راتګ وروسته ګڼ شمېر ښځینه کارکوونکې په کور کېناستې او دغه راز په ټول هېواد کې د نجونو ښوونځي وتړل شول.