امریکا: د افغانستان وضعت زړۀ بوږنوونکی دی؛ خو موږ د مرستو لپاره خپل شرایط لرو 

امریکا: د افغانستان وضعت زړۀ بوږنوونکی دی؛ خو موږ د مرستو لپاره خپل شرایط لرو 

هغه زیاته کړې چې د افغانستان اوسنی وضعیت بوږنوونکی دی او هر هغه څوک پرې ځورېږي چې له افغانانو سره همدردي لري، خو نړیواله ټولنه هم خپل شرایط لري چې باید عملي کړل شي.

(2021 /  12 / 9  نېټه باغي ټلویزیون)

بشپړ راپور 

امریکا وایي په افغانستان کې روان وضعیت خواشینوونکی دی، خو تر هغه چې دوی له هر څه ډاډه نه شي کنګل شوې شتمني نه ازادوي.

د افغانستان لپاره د امریکا د بهرنیو چارو وزارت استازي، ټوماس ویسټ له یوې امریکايي رسنۍ سره په خپله تازه مرکه کې ویلي چې د افغانستان په هره برخه کې له روان وضعیت خبر دي.

ددۀ په خبره د خلکو له ناوړه اقتصادي وضعیت، د ماشومانو له خوارځواکۍ، د معاشونو له ځنډېدو، ښوونځيو او دندو ته د نجونو له نه تګ او نورو مسایلو خبر دي، خو تر هغه چې په افغانستان کې له هر څه ډاډه نه شي د کنګل شوې شتمنۍ ازادول او رسمیت پېژندلو پروسه به پيل نه شي.

اړوند موضوعات: 

اردوغان وايي چې امریکا باید د افغانستان په څېر خپل سرتېري له عراق او سوریې هم وباسي

د ويسټ په خبره دوی ډاډه نه دي چې نوی حکومت به د ښځو حقونو رعایت کړي کنه او همدا راز و به کړی شي کنه چې له نړیوالې ټولنې سره کړې ژمنې عملي کړي.

هغه زیاته کړې چې د افغانستان اوسنی وضعیت بوږنوونکی دی او هر هغه څوک پرې ځورېږي چې له افغانانو سره همدردي لري، خو نړیواله ټولنه هم خپل شرایط لري چې باید عملي کړل شي.