د ا.ا.ا د بهرنیو چارو وزیر د جرمني لۀ ځانګړي استازي سره لیدلي دي 

د ا.ا.ا د بهرنیو چارو وزیر د جرمني لۀ ځانګړي استازي سره لیدلي دي 

د معلوماتو له مخې المان په دې لیدنه کې په افغانستان کې د وروستي وضعیت، د بشري حقونو د څارونکو د وروستي راپور او ځینو نورو مسایلو په اړه خپلې اندېښنې له مولوي متقي سره شریکې کړې دي.

(2021 / 12 / 1  نېټه باغي ټلویزیون)

بشپړ راپور 

آلمان او افغان لوري پر دوه اړخیزو اړیکو او بشردوستانه مرستو خبرې کړې دي.

د راپورونو له مخې د بهرنیو چارو سرپرست وزیر امیرخان متقي په دوحه کې د افغانستان لپاره د المان له ځانګړي استازي مارکوس پوتزل سره کتلي دي.

په دې لیدنه کې پر بېلو مسایلو خبرې شوې دي او المان له افغانستان سره د مرستو ډاډ ورکړی.

د معلوماتو له مخې المان په دې لیدنه کې په افغانستان کې د وروستي وضعیت، د بشري حقونو د څارونکو د وروستي راپور او ځینو نورو مسایلو په اړه خپلې اندېښنې له مولوي متقي سره شریکې کړې دي.

اړوند موضوعات: 

تر متحده عربي اماراتو وروسته جرمني هم کابل کې خپل سفارت پرانیزي 

همدا راز په دې لیدنه کې د روغتیايي کارکوونکو او ښوونکو د معاشونو پر ورکړه هم خبرې شوې دي.

المان ویلي چې دوی په افغانستان کې بشردوستانه مرستو ته ادامه ورکوي او ددې تمه لري چې افغان لوری د بشر حقونه په بشپړه توګه خوندي کړي او نړیوالو قوانینو ته درناوی وکړي.