د ا.ا.ا د بهرنیو چارو مرستیال: مخالفین دې بېرته افغانستان ته راشي؛ خو د وزارتونو تمه دې نکوي 

د ا.ا.ا د بهرنیو چارو مرستیال: مخالفین دې بېرته افغانستان ته راشي؛ خو د وزارتونو تمه دې نکوي 

هغه څرګنده کړې، ا.ا له ټولو هغو پخوانیو چارواکو چې دوی یې په خپل وطن کې له اوسېدو منع کړي وو، بېرته وطن ته د راتلو غوښتنه کوي څو له دوی سره په ګډه دا جګړه ځپلی هېواد اباد کړي.

(2021 / 11 / 28 نېټه باغي ټلویزیون)

بشپړ راپور 

د افغانستان ا.ا د بهرنیو چارو وزارت سیاسي معین شیرمحمد عباس ستانکزی وایي چې دوی د اوسني حکومت ټولو مخالفینو سره په اړیکه کې دي او غوښتنه ترې کوي چې بېرته خپل هېواد ته راستانه شي.

نوموړي د خپلو خبرو پر دوام زیاته کړې ده چې د تېر حکومت لوړپوړي چارواکي دې بېرته وطن ته راوګرځي خو د وزارت تمه دې نه کوي.

ستانکزي ویلي چې ټول افغانان حق لري په خپل ټاټوبي کې په سوله ییزه فضا کې ژوند وکړي.

هغه څرګنده کړې، ا.ا له ټولو هغو پخوانیو چارواکو چې دوی یې په خپل وطن کې له اوسېدو منع کړي وو، بېرته وطن ته د راتلو غوښتنه کوي څو له دوی سره په ګډه دا جګړه ځپلی هېواد اباد کړي.

ستانکزي دغه راز ډاډ ورکړی دی چې ډېر ژر به افغانان د یوه ازاد ملت په څېر ځانونه په نړیوال سټېج کې وویني.