ملګري ملتونه وايي چې افغانستان کې د بانکي سستم ملاتړ کوو  

ملګري ملتونه وايي چې افغانستان کې د بانکي سستم ملاتړ کوو  

نوموړي له نړیوالو مالي بنسټونو غوښتي، چې له افغانستان سره د بانکي نظام د ژغورلو لپاره یې ګډ کار وکړي او پرې نه ږدي، چې دغه هېواد دا لویه صدمه وویني. طالبانو تر اوسه په دې اړه څه نه دي ویلي.

(2021 / 11 / 22  نېټه باغي ټلویزیون)

بشپړ راپور 

د ملګرو ملتونو نړیوال سازمان خبرداری ورکړی، چې د افغانستان بانکي نظام د سقوط له ګواښ سره مخامخ دی.

رویټرز خبري اژانس په دې اړه د ملګرو ملتونو یو راپور خپور کړی، چې پکې د دغه سقوط پایلې خورا خطرناکې ګڼل شوي دي.

د ملګرو ملتونو د UNDP  مشر عبدالله الدرداري رویټرز ویلي دوی باید داسې یوه لاره پيدا کړي، چې د افغانستان د بانکي نظام ملاتړ پکې وشي.

نوموړي له نړیوالو مالي بنسټونو غوښتي، چې له افغانستان سره د بانکي نظام د ژغورلو لپاره یې ګډ کار وکړي او پرې نه ږدي، چې دغه هېواد دا لویه صدمه وویني. طالبانو تر اوسه په دې اړه څه نه دي ویلي.