په لنډیکوتل کښې د بجلۍ لوډشیډنګ زیات شوې دې

باغي ټي وي رپورټ
د ضلع خیبر په تحصیل لنډیکوتل کښې د ژمې راتلو سره په دې سیمه کښې بجلي غایبه شوې دې، په ګهنټو ګهنټو بجلي د نشتوالي له وجهې ددې سیمې خلقو ته ډیرې ستونزې رامخې ده شوي دي او ددوی ژوند ډیر سخت شوې دې.
د لنډیکوتل د اشخیلو سیمې یو مشر او سماجي شخصیت اسرار شینواري وایی چې زمونږ په علاقه کښې بجلي نه وي چې له وجهې ی زمونږ د سیمې خلق سخت مشکلاتو سره مخ دي، هغه د لنډیکوتل په ګرډ سټیشن عمله تور ولګولو چې ددې دفتر اهلکار رشوت اخلی او هغه چاته بجلي ور پریږدي څوک چې د ګرډسټیشن اهلکار جیبونه ګرم کړي او دوی د رشوت ورکړي.
نوموړي اوویل چې په ټولنیزو رسنیو مې د خیبر پښتونخوا وزیر اعلی ته ی خط هم لیکلي دې ، هغه زیاته کړې چې په دې خط کښې مې غوښتنه کړې چې د لنډیکوتل کرپټ د ګرډ سټیشن اهلکارو په ضد دې قانوني کاروایی وشی .