په ضلع خیبر کښې اولس خپلوماشومانو ته د پولیو ضد قطرې ورکولو نه انکار کړې دې

باغي ټي وی رپورټ
د ضلع خیبر په تحصیل جمرود کښې د یوې خبري غونډې ته په وینا کښې د ملاګورو سیمې مشرانو اعلان کړې دې چې دوی به خپلو ماشومانو ته د پولیو ضد واکسین ور نه کړي ترڅو چې د جمرود اې سي او تحصیلدار ددې تحصیل نه بدل نه کړې شي.
خبري غونډې ته په وینا کښې د ملاګورو د سنګ مرمر د اتحادیی صدر خان میرملاګوري، ملک حاجي داود ملاګوري، حاجی سیفور ملاګوري، همایو، سید محمد ، مراد ګل ملاګوري او نورو مشرانو اوویل چې دوی نه د جمرود اسسټنټ کمشنر او ددې تحصیل دتحصیلدار د بهرني څو غیرسرکاري کسانو په ذریعه د غیرقانوني روپو غوښتنه کوي چې دا ډیر ظلم او ناانصافي کوي.
مشرانو اوویل او تور ی ولګولو چې د غیرقانوني روپۍ نه ورکولو په نتیجه کښې د سنګ مرمر صنعت کارانو او سوداګرو ته قسم قسم ستونزې او خنډونه رامنځ ته کوي چې ددوی کاروبار ډیر بد متاثر کوي .
هغوی اوویل چې دوی به مجبور شي چې د لس زره د ماربل فیکټریو مزدورانو سره د پولیو واکسین مهم، خسره او د روبیلا واکسین لګولو مهم نه په مکمل توګه د بایکاټ اعلان وکړي .
هغوی اوویل چې د جمرود انتظامیه او دې سره د ملاګوري تحصیل تحصیلدار دې ددې سیمې نه بدل کړې شي او ددوی خلاف دې حکومتي چارواکي پلټنې وکړي. مشرانو اوویل چې د ددې افسرانو د غیرقانوني ټیکس اخستلو نه دوی تنګ راغلي دي اوی دا افسران دې ددې سیمې نه بدل کړې شي او دلته دې نور ایمانداره افسران مقرر کړې شي.