افغان لوري لۀ پاکستاني لوري سره پۀ سوداګرۍ او دوه اړخیزو اړیکو خبرې کړې دي

افغان لوري لۀ پاکستاني لوري سره پۀ سوداګرۍ او دوه اړخیزو اړیکو خبرې کړې دي 

ويل شوي، چې د ویزو په برخه کې به هم پاکستان اسانتیاوې راولي، په نړیواله کچه به د افغانستان د موجوده سیاسي ستونزو حل او د بشري مرستو په جلب او جذب کې به د زمينې په برابرولوسره مرسته وکړي.

(2021 / 11 / 13 نېټه باغي ټلویزیون)

بشپړ راپور 

د پاکستان صدراعظم عمران خان د بهرنیو چارو له سرپرست وزیر امیر خان متقي سره لیدلي دي.

د ا.ا وياند ذبيح الله مجاهد وايي، چې د پاکستان صدراعظم عمران خان د پاکستان له لارې د هندوستان د مرسته شويو غنمو د انتقال په برخه کې د همکارۍ ډاډ ورکړی.

اړوند موضوعات: 

په پایه تخت کابل کښې د محمد صادق او امیر خان متقي ملاقات

مجاهد زياتوي، چې ‏متقي له عمران خان څخه وغوښتل څو د تورخم او چمن دروازو او افغان سوداګريزو توکو ته د دغه هېواد له بندرونو څخه ترانزيټ کې عملي اسانتياوې راولي.

نوموړی وايي، عمران خان ژمنه وکړه چې د پاکستان له لارې د افغان توکو ترانزيټ کې به د پام وړ اسانتيا راشي.

د مجاهد د معلوماتو له مخې، ‏همدا ډول عمران خان ژمنه وکړه چې د واګه بندر له لاری به د هند هېواد مرسته شویو غنمو ته اجازه ورکړي.

ويل شوي، چې د ویزو په برخه کې به هم پاکستان اسانتیاوې راولي، په نړیواله کچه به د افغانستان د موجوده سیاسي ستونزو حل او د بشري مرستو په جلب او جذب کې به د زمينې په برابرولوسره مرسته وکړي.