د امریکا کانګرېس د بایډن طرحه تائید کړه 

د امریکا کانګرېس د بایډن طرحه تائید کړه 

همدا راز د سلګونه میلیاردونو ډالرو په لګښت غواړي د خلکو د ژوند په کچه کې بدلون راولي، پاکې هوا، چټک انټرنېټ او پاکو اوبو ته د خلکو لاسرسی اسانه کړي.

دا د امریکا په تاریخ کې تر ټولو ستره بودیجه ګڼل کېږي چې د بیا رغونې لپاره د کانګریس تایید ترلاسه کوي.

(2021 / 11 / 6  نېټه باغي ټلویزیون)

بشپړ راپور 

د امریکا کانګریس د بیا رغونې لپاره د بايډن تاریخي طرحه تایید کړه. د امریکا کانګریس د بایډن هغه طرحې ته مثبته رایه ورکړې چې له مخې به یې د څه باندې یو تریلیون ډالرو په ارزښت ددغه هېواد بنسټیزې پروژې ترمیم او یا له سره رغول کېږي.

ددې طرحې له مخې بایډن غواړي د څه باندې ۵۵۰ میلیاردو ډالرو په ارزښت د امریکا سړکونه، رېللارې، پلونه او نورې بنسټیزې ودانۍ ورغوي او د حمل نقل سیستم نوی کړي.

همدا راز د سلګونه میلیاردونو ډالرو په لګښت غواړي د خلکو د ژوند په کچه کې بدلون راولي، پاکې هوا، چټک انټرنېټ او پاکو اوبو ته د خلکو لاسرسی اسانه کړي.

دا د امریکا په تاریخ کې تر ټولو ستره بودیجه ګڼل کېږي چې د بیا رغونې لپاره د کانګریس تایید ترلاسه کوي.

دې طرحې د امریکا په سیاسي بحثونو کې ستر اختلافات رامنځ ته کړي وو، خو بايډن وايي دی غواړي له یوې خوا خلکو ته د کار زمینه برابره کړي او له بلې خوا د امریکا د کلونو زړې شوې پروژې نوې کړي.