هیڅ بهرني ته به په پاکستان کې په غیر قانوني توګه د اوسیدو اجازه ورنکړل شي: د پاکستان داخله چارو وزیر

باغي ټي وي رپورټ
دامريکا سفير ډونلډ بلوم دکورنيو چارو وفاقي وزير محسن نقوي سره الوداعي ليدنه کړې ده چې پکې ددوه اړخيزه دلچسپي اؤ دپاکستان اؤ امريکا په اړيکو خبرې اترې شوي دي.

دامريکا سفير ډونلډ بلوم دکورنيو چارو وزير محسن نقوي سره الوداعي ملاقات کړى چې په مهال يې دکورنيو چارو وزير دپاکستان اؤ امريکا داړيکو دپرمختگ لپاره دامريکا سفير ډونلډ بلوم دخدمتونو قدرداني وکړه اؤ دهغه لپاره يې د نيکو هيلو څرگندونه وکړه.
په الوداعي غونډه کې امريکايي سفير په پاکستان کې د ترهګرۍ د وروستيو پېښو غندنه وکړه.

په دې موقع محسن نقوي وويل ترهګري يوه نړيواله ستونزه ده، نړيواله ټولنه دې په ګډه دترهه گرۍ دمخنيوي لپاره دعمل پلان جوړ کړي.

محسن نقوي ویلي چې هیڅ بهرني ته به په پاکستان کې په غیر قانوني توګه د اوسیدو اجازه ورنکړل شي.

دامريکا سفير ډونلډ بلوم وئيلي دي چې په پاکستان کې دځايې کولو په مهال دټولو ادارو مکمل ملاتړ ترلاسه شوى دى.