د فلسطیني مقاومت تنظیم حماس یو ځل بیا څرګنده کړه چې د اسرایلو له خوا د روان نسل وژنې د بندیدو پورې به د بندیانو د تبادلې په اړه خبرې نه کوي

باغی ټي وي رپورټ
د فلسطیني مقاومت تنظیم حماس یو ځل بیا څرګنده کړه چې د اسرایلو له خوا د روان نسل وژنې د بندیدو پورې به د بندیانو د تبادلې په اړه خبرې نه کوي.

حماس په یوه بیان کې ویلي چې موږ هر هغه اقدام ته چمتو یو چې زموږ د خلکو په وړاندې د تیري په پای ته رسولو کې مرسته کوي.

حماس ویلي، نړیواله ټولنه باید د فلسطینیانو له نسل وژنې څخه د ژغورنې په برخه کې له خپلو مسوولیتونو څخه ډډه وکړي، دا د نړیوالې ټولنې او ملګرو ملتونو مسوولیت دی چې د فلسطین د خلکو دردونه اوچت کړي او د ویجاړۍ مخه ونیسي.
حماس وايي، موږ د نړۍ ټولو ازادو خلکو ته د مظلومو فلسطينيانو د ملاتړ له امله سلامونه وړاندې کوو، موږ د فلسطينيانو په ملاتړ او د ازادۍ په مبارزه کې د ازادې نړۍ د فعاليتونو ستاينه کوو.

حماس په سرې بحیرې کې د امریکا په مشرۍ سمندري اتحاد په کلکه غندلی او ویلي یې دي چې د دې اتحاد هدف د فلسطین د نسل وژنې د اسرائیلو د جنایت ملاتړ دی او هڅه کوي چې له دغه مشکوک اتحاد څخه ځان لرې کړي.
حماس ویلي دي چې مونږ د فلسطین د خلکو په ملاتړ کې په یمن کې د خپلو وروڼو د زړورتیا قدرداني کوو، مونږ په لبنان، عراق او سوریه کې د مقاومت ډلو ته د فلسطین د خلکو د ملاتړ او د اسراییلو د بیرغونو د ځړولو په خاطر د هغوی قدرداني کوو. موږ هم د مالیزیا د دې اعلان ستاینه کوو، دا د مالیزیا زړور دریځ دی، ټول هېوادونه باید په غزه کې د فلسطیني ولس د ظلمونو پر وړاندې یو شان دریځ غوره کړي.

د يادونې وړ ده، چې اسرائيلي پوځ نن هم د غزې په تړانګه کې د استوګنې پر سيمو بمباري کړې، چې په تېرو ۲۴ ساعتونو کې يې تر سلو ډېر فلسطينيان شهيدان کړي دي.

د ملګرو ملتونو د خوړو د خوندیتوب اداره (IPC) وايي، د غزې ټول ۲.۳ میلیونه وګړي له لوږې سره مخ دي، چې د هرې ورځې په تېرېدو سره په غزه کې د قحطۍ خطر زیاتېږي.