د العزيزيه ريفرنس د سزا خلاف د نواز شريف د اپيل اوريدنه به نن د اسلام آباد هائي کورټ کښې کيږي

باغی ټي وي رپورټ
د العزيزيه ريفرنس د سزا خلاف د نواز شريف د اپيل اوريدنه به نن د اسلام آباد هائي کورټ کښې کيږي۔

د اسلام آباد هائي کورټ چيف جسټس جسټس عامر فاروق او جسټس ميا ګل حسن اورنګزيب په مشتمل دوه کسيزه بينچ به د اوريدنې اوريدنه کوي۔

بنچ د ريفرنس د بيا اورېدنې لپاره احتساب عدالت ته لېږلو د نيب درخواست ردولو په مهال د دليلونو اورېدو فيصله کړې ده.

ياده دې وي چې د ۲۰۱۸م کال د جولايي په شپږمه نېټه د اسلام اباد احتساب عدالت نواز شريف ته په ايون فيلډ ريفرنس کې د ۱۱ کالو بند سزا اورولې وه.

همدارنګه د ۲۰۱۸م کال د دسمبر په ۲۴مه د اسلام اباد احتساب عدالت د العزیزیه سټیل ملز ریفرنس کښې پخواني وزیراعظم نواز شریف ته د ۷ کالو بند او جرمانې سزا اورولې وه.

د روان کال د اکتوبر په ۲۶مه د اسلام اباد های کورټ د (ن) لیگ د مشر نواز شریف په غوښتنه د ایون فیلډ او العزیزیه ریفرنسونو کې د سزا خلاف اپيلونه بحال کړل.

په دې ورستیو کې د اسلام اباد های کورټ د ایون فیلډ په ریفرنس کې د پخواني وزیراعظم نواز شریف د ۱۱ کالو بند سزا کالعدم ګرځولې ده.