اسلام د دښمن بچو او ښځو سره د ښه سلوک کولو درس ورکوي، یوه اسرایلي ښځه د حماس په زندان کښې څه وایی، یو لیک ی خپور شوې

باغی ټي وي رپورټ
د فلسطین د مقاومت غورځنګ حماس د پوځي څانګې القسام بریګیډ له خوا د اسرائیلي ښځې دنیال او د هغې د وړې لور امیلیا لیک خپور شوی دی.

د غربي قدرتونو په امر اسرائیلو په محاصره شوې غزه بمباري وکړه او دغو هوايي، سمندري او سمندري بریدونو تر ۴۴ ورځو زیات دوام وکړ.

د اسراییلو په بریدونو کې د ماشومانو او ښځو په ګډون تر ۱۴۵۰۰ زیات فلسطینیان شهیدان شوي دي.
اسرائیلو له بمبارۍ وروسته ۳ ورځې وړاندې اوربند اعلان کړ او نن د اسرائیل او حماس تر منځ د اوربند وروستۍ ورځ وه، خو موقت اوربند د نورو ۲ ورځو لپاره غځول شوی دی.

په همدې حال کې حماس تر اوسه د ۳۹ اسراییلي اتباعو په ګډون ۵۸ یرغمل شوي او ۱۱۷ فلسطیني ښځې او ماشومان د اسراییلو له خوا خوشې شوي دي.

د حماس له خوا د خوشې شوې اسرایلي مور او لور څخه د مننې لیک خپور شوی چې په هغه کې د اسراییلي یرغمل، دونال د قید په وخت کې د القسام بریګیډ جنګیالیو د مهربانۍ ستاینه کړې ده.

په عبراني ژبه لیکل شوي لیک کې مېرمنې لیکلي، “زه احساس کوم چې په راتلونکو ورځو کې به موږ له یو بل څخه جلا شو، خو زه له تاسو ټولو څخه د زړه له تله مننه کوم چې زما د لور سره مو مینه او د ښه خوی څرګندونه وکړه”.

اسراييلي زنداني مجاهدينو ته ليکلي چې تا ورسره د مور او پلار په څېر چلند وکړ، خپلو خونو ته يې راوبلل او دا يې احساس کړه چې ته نه يوازې د هغې ملګري يې، بلکې د هغې مينه وال يې هم، له دې ټولو مننه چې کله مو زموږ پالنه کوله.

د مکتوب د متن له مخې، مننه چې صبر مو وکړ او هم مو خواږه، مېوې او نور هر څه چې په لاس کې وو، که څه هم شتون نه درلود، ماشومان مو په زندان کې نه خوښېږي، خو له تاسو ټولو مننه چې مونږ سره مو ښه سلوک او خوی وکړو.

مېرمنې زیاته کړې، چې زما لور په غزه کې ځان ملکه ګڼله او د پاملرنې مرکز وه، په دې موده کې مې په بېلابېلو پوستونو کې له خلکو سره تماس درلود او ټولو له موږ سره په مینه، شفقت او مهربانۍ چلند کاوه، ځکه به یې منندوی یم. موږ دلته په هیڅ غم سره نه پریږدو.

د لیک په پای کې د اسرایلو میرمنې مجاهدینو او د هغوی کورنیو لپاره د د روغتیا دعا کړې ده.

د اسراييلي مېرمنې د ليک د متن له مخې، زه به ټولو ته ستاسو د مهربانۍ په اړه ووايم چې تا په غزه کې له سختو شرايطو او زيانونو سره سره موږ ته ښودلې ده.