د امریکا د بهرنیو چارو وزیر انتوني بلینکن په ریاض کې د سعودي عربستان له لومړي وزیر او ولیعهد محمد بن سلمان سره وکتل

باغی ټي وي رپورټ
د امریکا د بهرنیو چارو وزیر انتوني بلینکن په ریاض کې د سعودي عربستان له لومړي وزیر او ولیعهد محمد بن سلمان سره وکتل.

د امریکا د بهرنیو چارو وزیر د سعودي عربستان په پلازمینه ریاض کې د سعودي له ولیعهد سره د هغه په ​​فارم هاؤس کې د اسرائیل او فلسطین د وضعیت په اړه یو ساعت خبرې وکړې.

د سعودي خبري اژانس د راپور له مخې، په دې کتنه کې محمد بن سلمان په غزه کې د پوځي عملیاتو د سمدستي بندېدو غوښتنه وکړه، همداراز یې د کړکېچ په ختمولو او د غزې د محاصرې په ختمولو ټینګار وکړ.
هغه وویل چې فلسطینیانو ته باید خپل مشروع حقونه ورکړل شي.

له بلې خوا، د امریکا د بهرنیو چارو وزارت ویاند متیو میلر په وینا، بلینکن د حماس د بریدونو د بندولو او د یرغمل شویو خوشې کولو په اړه خبرې وکړې.

هغه وویل چې دواړو مشرانو په منځني ختیځ کې د خلکو د ساتنې او د سولې د ټینګښت لپاره پر خپلو ګډو ژمنو هم ټینګار وکړ.
.