پخواني ولسمشر اصف زرداري په اليکشن کميشن او چيف اليکشن کمشنر د مکمل اعتماد څرګندونه کړې ده۔

باغي ټي وي رپورټ

په يو بيان کې پخواني صدر اصف زرداري وئيلي دي چې اليکشن کميشن به د آئين مطابق انتخابات ترسره کوي او د مردم شمارۍ وروستو به اليکشن کميشن د نوې حلقه بندۍ کولو پابند وي، مونږ په چيف اليکشن کمشنر او ټولو غړو پوره باور لرو.

پخواني ولسمشر وویل، سرپرست حکومت دې د SIFC پروژې ژر تر ژره بشپړې کړي او د پروژو په بشپړولو سره دې هېواد د پرمختګ په لاره واچول شي.

هغه زیاته کړه، هېواد اوس مهال له اقتصادي بحران سره مخ دی، موږ ټول باید د سیاست پر ځای د اقتصاد په اړه فکر وکړو، که هېواد همداسې وي نو موږ ټول یو.

ياده دي وي چي تيره ورځ دپيپلز پارټئ چيئرمېن له اليکشن کميشن نه په ۹۰ ورځو کښې دانتخاباتو ترسره کولو غوښتنه کړې وه او وئيلي وو چي اليکشن کميشن په خپل څلور کلن کارکردګۍ سره د ولس په وړاندې خپل اعتبار ثابت کړی دی، اليکشن کميشن خپله کارکردګي ثابته کړې ده. په ډسکه کې، موږ هیله لرو چې د ټاکنو کمیسیون به آزاد او عادلانه ټاکنې ترسره کړي.