د ملي دفاع وزیر: ډېر ژر به د سیمې او نړۍ پۀ کچه ځواکمنه اوردو رامنځته کړو

د ملي دفاع وزیر: ډېر ژر به د سیمې او نړۍ پۀ کچه ځواکمنه اوردو رامنځته کړو  

هغه دا هم وویل چې دوی د تیرو دوه لسیزو په اوږدو کې د اشغال په وړاندې د افغانستان بشپړتیا ساتنه کړې او بیا به یې هم وکړي. مجاهد په داسې وخت کې د دفاع وزارت د عادي نظامي او ملکي فعالیتونو په اړه ډاډ ورکوي کله چې د پخواني اردو له سقوط وروسته د ملي اردو هیڅ نښه شتون نلري.

(2021 / 10 / 24 نېټه باغي ټلویزیون)

بشپړ راپور

د افغانستان د دفاع سرپرست وزیر محمد یعقوب مجاهد وویل چې د افغانستان ملي اردو به په افغانستان او نړۍ کې خلکو ته د سولې پیغام ورسوي.

محمد یعقوب مجاهد په خپل وروستي غږیز پیغام کې وویل چې دوی ډاډ ورکوي چې د افغانستان خاوره به په سیمه او نړۍ کې د کوم بل هیواد پر ضد ونه کارول شي. محمد یعقوب مجاهد ، د طالبانو د بنسټګر ملا محمد عمر مجاهد زوی د طالبانو سرپرستې کابینه کې تر ټولو ځوان وزیر دی.

اړوند موضوعات:

مجاهد وايي چې چین غواړي په افغانستان کې په میلیاردونو ډالر پانګونه وکړي

هغه وویل چې دوی د داسې اردو رامینځته کولو لپاره کار کوي چې په پرمختللو وسلو سمبال وي چې ځمکنۍ او هوایی وړتیا ولري او په لوړ مورال سره د وطن دفاع وکړي. نوموړی زیاتوي: “موږ د افغانستان خلکو ته ډاډ ورکوو چې د افغانستان د اسلامي امارت اردو به د دوی ټولې ملي ګټې خوندي کړي.” د دفاع سرپرست وزیر دا هم وویل چې اردو به د افغانستان د ټولو سرحدونو د ساتنې مسؤلیت ولري او هیچاته به اجازه ورنکړي چې په افغان خاوره یرغل وکړي.

هغه دا هم وویل چې دوی د تیرو دوه لسیزو په اوږدو کې د اشغال په وړاندې د افغانستان بشپړتیا ساتنه کړې او بیا به یې هم وکړي. مجاهد په داسې وخت کې د دفاع وزارت د عادي نظامي او ملکي فعالیتونو په اړه ډاډ ورکوي کله چې د پخواني اردو له سقوط وروسته د ملي اردو هیڅ نښه شتون نلري.