ننګرهار کې د سړک د غاړې بم چاودنې لۀ امله لږ تر لږه دوه کسه وژل شوي دي 

ننګرهار کې د سړک د غاړې بم چاودنې لۀ امله لږ تر لږه دوه کسه وژل شوي دي 

تر اوسه کومې ډلې د دغه برید پړه نه ده منلې ، خو په تېر کې د داعش خراسان څانګې د ورته بریدونو مسؤلیت منلی دی. وروسته له هغې چې طالبانو په افغانستان کې واک تر لاسه کړ ، داعش په کابل ، ننګرهار ، کندز او کندهار ولایتونو کې بریدونه پیل کړل ، چې په سلګونو ملکیان یې ووژل او ټپیان کړل.

(2021 / 10 / 24  نېټه باغي ټلویزیون)

بشپړ راپور 

په ننګرهار ولایت کې روغتیايي چارواکي او طالبان وايي چې د یوه ماشوم په ګډون دوه ملکي وګړي هغه مهال ووژل شول چې د طالبانو پر موټر د سړک غاړې ماین چاودنه وشوه.

پیښه پرون ماسپښین ، شنبه د ښار په اتمه ناحیه کې په سکارپیو کې رامنځته شوه. د طالبانو  قوماندان عصمت الله مبارز وویل چې دوه د سړک د غاړې بمونه د طالبانو په یوه موټر کې وچاودیدل.

اړوند موضوعات: 

کابل او ننګرهار ولایت کې چاودنې شوي دي

د طالبانو دغه قوماندان زياته کړه چې په دې چاودنه کې د طالبانو کوم غړي ته زيان نه دى اوښتى. ځایی روغتیا چارواکو وویل چې لږترلږه دوه جسدونه او څلور ټپیان روغتون ته وړل شوي دي.

تر اوسه کومې ډلې د دغه برید پړه نه ده منلې ، خو په تېر کې د داعش خراسان څانګې د ورته بریدونو مسؤلیت منلی دی. وروسته له هغې چې طالبانو په افغانستان کې واک تر لاسه کړ ، داعش په کابل ، ننګرهار ، کندز او کندهار ولایتونو کې بریدونه پیل کړل ، چې په سلګونو ملکیان یې ووژل او ټپیان کړل.