په مکه مکرمه کې کعبې ته د غسل ورکولو په مراسمو کې د کعبې دروازه پرانیستل شوه.

باغي ټي وي رپورټ

د عربي رسنیو له مخې، د کعبې د غسل په مراسمو کې د حرمین شریفین د اداري چارو امامانو او چارواکو هم ګډون کړی و.

د مکې مکرمې مرستیال والي شهزاده بدر بن سلطان د بیت الله شریف دروازه پرانیستله او د کعبې شریفې ته یې غسل ورکړ.

د مکې مکرمې مرستیال والي د حرمینو شریفینو د سرپرست پاچا سلمان بن عبدالعزیز استازیتوب وکړ.

د کعبې د غسل پر مهال د بیت الله داخلي دیوالونه او فرشونه پاک شول او د غسل کعبې لپاره ۲۰ لیتره د زمزم اوبه او ګلاب اوبه وکارول شوې.

د غسل نه وروسته کعبه په خالص عود، عرق او عطرو خوشبویه شوه.