د پنجاب پولیسو د موټرسایکل چلولو پر مهال د هیلمټ اغوستلو په اړه خلکو ته د پوهاوي لپاره یوه ځانګړې لاره موندلې ده.

باغي ټي وي رپورټ

د موټرسایکل چلونکو لپاره دا مهمه ده چې د موټرسایکل چلولو پرمهال هیلمټ واغوندي ترڅو د حادثې په صورت کې د ټپي کیدو مخه ونیسي.

خلکو ته د هیلمټ اغوستلو په اړه په بیلابیلو لارو خبر ورکول کیږي، خو د پنجاب پولیسو په یوه ځانګړې طریقه خلکو ته د هیلمټ اغوستلو د اهمیت په اړه پیغام ورکړی دی.

د دوشنبې په ورځ، د پنجاب پولیسو په خپل رسمي ټویټر اکاونټ کې د پاکستان سریلانکا ټیسټ کې د نسیم شاه د باونسر ویډیو شریکه کړه.

په ویډیو کې لیدلی شئ چې د پاکستان او سریلانکا ترمنځ د دوهمې ټیسټ لوبې په لومړۍ ورځ د نسیم شاه باونسر د سریلانکا د توپ وهونکي په سر ولګید، خو هیلمټ یې اسیتا فرناندو وژغوره.

د پنجاب پولیسو دغه باونسر موټرسایکل سپرو ته د پیغام په توګه کارولی او لیکلي یې دي ‘ هیلمټ! ستاسو د ژوند او خوښۍ ساتونکی. هیلمټ واغوندئ، خوندي اوسئ.

د یادولو وړ ده چې د پاکستان او سریلانکا ترمنځ د کولمبو د ټیسټ دوهمه ورځ د باران له امله لغوه شوه.

د باران نه وړاندې پاکستان په لومړي اننګز کې د دوه لوبغاړو په سوځېدو ۱۷۸ منډې جوړې کړې وې، چې له دې وروسته پاکستان د سري لنکا په وړاندې په لومړۍ پاڼۍ کې د ۱۲ منډو مخکښ دی.

د پاکستان او سریلانکا ترمنځ د دوهمې ورځې لوبه د باران له امله لس اورونو ته محدوده شوه چې په ترڅ کې عبدالله شفق ۸۷ او بابر اعظم ۲۸ ناسوځېدلې منډې وکړې.

پاکستان د دوه میچونو په سیریز کښې یو صفر مخکښ دی.