په ټول هیواد کې د مونسون بارانونو په سیندونو او بیراجونو کې د اوبو کچه لوړه کړې ده.

باغي ټي وي رپورټ

د مون سون بارانونو له وجې د ستلج سیند سطحه یو ځل بیا پورته کیدل شروع شوي او په سر سلیمانکي کې د اوبو جریان ۷۱۶۰۴ کیوسک او اخراج ۶۲۶۳۹ کیوسک ثبت شوی چې له امله یې د سر سلیمانکي او بهاولنگر ضلعو په حدودو کې د ټيټې درجې د سیلاب خطر موجود دی.

د ریسکیو ذرائعو ترمخه په بهالینګار کښې د سیلابی اوبو له وجې د سیند غاړې ته نزدې په لس ګونو آبادۍ متاثره شوي دي او په پاکپتن کښې د سیند غاړې ته نزدې سیمې هم د اوبو له وجې ډوب شوي دي.

د پنجاب په سیندونو کې د اوبو کچه لوړه شوې

په ادرګدو او نوشهره بيراج کې هم د ټيټې درجې سيلاب روان دى چرته چې په تونسه کې د اوبو داخل او اخراج 395 زره 152 کيوسک، د اوبو آمد 66 زره 325 او په هيډ بلاک کې 41 زره 425 کيوسک ريکارډ شوى دى.

د پي ډي ايم اے وياند ترمخه د پنجاب په سيندونو کښې د اوبو سطحه نوره هم مخ په زياتيدو ده، تربيلا او کالاباغ کښې ټيټ سيلاب او چشمه او تونسه کښې متوسط ​​سيلاب روان دے.

د پنجاب په ښارونو کې د سیلاب خبرداری ورکړل شوی دی

بل خوا په سرګودها، ډيره غازي خان، بهاولپور، بهکر، ليه، مظفر گړ، راجن پور او رحيم يار خان ضلعو کې د سيلاب خبردارى جاري شوى دى. دې نه علاوه په سکر بيراج کې د اوبو کچه په پرله پسې ډول لوړيږي چرته چې په 24ؤ ساعتو کې 25 زره کيوسک اضافه شوې ده، سکهر بيراج کې د اوبو آمد 1 لاکه 85 زره 270 کيوسک ريکارډ کړی شوی، د سکر بيراج څخه 1 لک 81 زره 70 کيوسک اوبه د سکر بيراج نه خارجيږي.

د سکهر بیراج څخه راوتلي شپږ کانالونه په شمول دادو، چای، کیر تهر، روهري، خیرپور ختیځ او خیرپور لویدیځ کانالونه د بارانونو او احتمالي سرغړونې له امله بند شوي دي.

په ګلګت کښې سخت باران شوے دے

په ګلګت بلتستان کې د سختو بارانونو له امله په مختلفو ځایونو کې د ځمکې ښویدنې پېښې شوي چې له امله یې د سیلاب اوبه د استوګنې سیمو ته ننوتي، په داسې حال کې چې په چلاس کې د قراقرم لویې لارې د بندېدو له امله په ګاډو کې بند پاتې مسافر او سیلانیان اندېښمن دي.

په بلوچستان کې هم سخت باران شوی دی

د بلوچستان نصیرآباد ډویژن کې سخت باران شوی، په بولان کې د موقتي پل د نړېدو له امله لا هم لاره بنده ده، چې سندهـ، بلوچستان او پنجاب ته د تلونکو موټرو اوږده کتارونه جوړ شوي دي.