د ملګرو ملتونو په امنیت شورا کې د قران کریم د توهین پر ضد د پاکستان قرارداد تصویب شو.

باغي ټي وي رپورټ

د جمهور آژانس د خبر له مخې د پاکستان په پرېکړه لیک کې د قران کریم د سپکاوي په ګډون مذهبي کرکه غندل شوې ده.

په پرېکړه ليک کې د قران کريم په بې حرمتي کې د ککړو عناصرو د محاکمې په موخه ټينګار شوى دى.

په پریکړه لیک کې له دولتونو هم وغوښتل شول چې د مذهبي کرکې د مخنیوي لپاره قوانین تصویب کړي.

د امنیت شورا په غونډه کې ۲۸ هېوادونو د پاکستان په ملاتړ رایه ورکړه او ۱۲ غړو یې مخالفت وکړ.

په امنیت شورا کې د پاکستان په استازیتوب ۷ غړو په رایه اچونه کې برخه نه وه اخیستې.

امريکا او اروپايي اتحاديې په امنيت شورا کې د پاکستان په استازيتوب د دغه پرېکړه ليک مخالفت وکړ.

د يادونې وړ ده، چې د لوى اختر په ورځ د سويډن د پلازمېنې ستاکهولم د جومات بهر د قران کريم د سوځولو او بې حرمتۍ پېښه شوې وه.

په ستاکهولم کې پولیسو څو ځلې عراقي وګړي ته د قران کریم د سوځولو اجازه ورنه کړه، خو ځايي محکمې د پولیسو دغه پرېکړه د بیان د ازادۍ خلاف وبلله او هغه ته یې د دغه ناوړه عمل اجازه ورکړه.