د اسلام اباد هائي کورټ د توشه خانې په کيس کې د پاکستان د تحريک انصاف (پي ټي آئي) د مشر عمران خان د درخواست ردولو د مقدمې د محکمې فيصله کالعدم ګرځولې ده.

باغي ټي وي رپورټ
د اسلام اباد هائي کورټ د توشه خانې په کيس کې د پاکستان د تحريک انصاف (پي ټي آئي) د مشر عمران خان د درخواست ردولو د مقدمې د محکمې فيصله کالعدم ګرځولې ده.

د اسلام اباد هائي کورټ چيف جسټس د مقدمې د محکمې فيصله لغوه کړه.استیناف محکمې د توشه خانې دوسیه د نه منلو وړ اعلانولو غوښتنه رد کړه.
د اسلام اباد هائي کورټ دغه مقدمه واپس ټرائل کورټ ته استولې ده او ټرائل کورټ ته ئې امر کړی چې د پي ټي آئي چيئرمېن د وکيل په دلائل دې بيا فيصله وکړي.

عدالت فیصله کړې ده چې ټرائل کورټ دې د توشه خانې کیس کښې د پی ټي آئي د چیرمین په درخواست په ۷ ورځو کښې دننه فیصله وکړي.د ټرائل کورټ په فيصله کښې د عمران خان درخواست مسترد کړے شو.په درخواست کښې وئيلي شوي وو چې د توشه خانه کيس کښې د سيشن کورټ لخوا روان جرمانه کارروائي د منلو وړ نه ده، دغه اعتراضونه د فني بنيادونو له وجې پورته شوي وو۔ اليکشن کميشن دا شکايت هغه وخت درج کړي کله چې دا صلاحيت نه وي نو که با صلاحيته چارواکي شکايت درج کړي نو سيشن کورټ د هغې د مقدمې واک لري.
ياده دي وي چي تيره ورځ عمران خان د توشه خانه کيس کښي د اسلام آباد هائي کورټ چيف جسټس جسټس عامر فاروق باندي د عدم اعتماد څرګندونه کړي وه او د توشه خانه کيس په ضد درخواستونه بل بنچ ته منتقل کولو درخواست جمع کړے وو۔