د بلوچستان په شيراني سيمه کې د امنيتي ځواکونو په چيک پوسټ د وسله والو په بريد کې څلور عسکر وژل شوي دي.

باغی ټي وي رپورټ

دپوليسو دچارواکو په وينا بريد دشيرانو ولسوالۍ په دانا سر سيمه کې دپوځيانو په پوسته شوى چې دامنيتي ځواکونو په ځوابي ډزو کې يو بريدکوونکى هم وژل شوى دى.

دپوليسو چارواکي وائي دپيښې وروستو سيمه کې دپلټنې عمليات پيل شوي دي.

د بلوچستان وزيراعلي عبدالقدوس بزنجو په شيراني کې په امنيتي پوسته د بريد غندنه کړې او ويلي يې دي چې بزدلانه عملونه د ځواکونو حوصلې نه شي کمزوری کولی، د امنيتي ځواکونو قربانۍ د ولس لپاره يو څرک دی.

عبدالقدوس بزنجو وايي، امنیتي ځواکونه په کلک هوډ او زړورتیا د هېواد او ولس امنیت تامینوي.