وزيراعظم شهباز شريف وئيلي دي چي د آئي ايم ايف سره معاهده به د اقتصادي استحکام او ملک د پرمختګ په لاره کښي مرسته وکړي۔

باغی ټي وي رپورټ

په ټويټر يو بيان کې وزيراعظم شهباز شريف وئيلي دي چې زه په دې اعلان خوشحاله يم چې پاکستان د آئي ايم ايف سره د عملې په کچه يو تړون لاسليک کړی دی.

وزيراعظم ووئيل دا معاهده به د پاكستان د زرمبادله ذخائر په ښه كولو كښې مرسته وكړي٬ دا به د اقتصادي ثبات په راوستو او هېواد د پرمختګ په لاره روان شي۔

شهباز شريف وئيلي دي چې هغه د خزانې وزير اسحاق ډار او د خزانې وزارت د ټيم ستائنه کوي او د آئي ايم ايف د منيجنګ ډائريکټر او د هغه ټيم مننه کوي چې د هغوي ملاتړ کوي۔

د پاکستان او IMF ترمنځ تړون
دا د پیسو نړیوال صندوق (IMF) او پاکستان تر منځ د درې ملیارد ډالرو د سټنډرډ بای تړون دی.

د اعلان له مخې، د IMF اجرایوي بورډ به د کارمندانو په کچه تړون تصویب کړي او اجرایوي بورډ به د جولای په نیمایي کې غونډه وکړي.

بيان کې وئيل شوي دي چې دغه تړون به په پاکستان دبهرنيو رقمونو فشار کم کړي او دغه تړون به دټولنيزو سکټور لپاره دفنډونو برابرولو کې ښه والى راولي په داسې حال کې چې دغه معاهده به په پاکستان کې دټيکس عايدات زيات کړي.

بيان کې زياته کړې شوې ده چې د ټيکس زياتوالي سره به د عوامو پرمختيا لپاره فنډونه زيات شي، دغه تړون به په پاکستان کې د مالي ډسپلن سبب شي او دغه تړون به د انرجي اصلاحات يقيني کړي په داسې حال کې چې د بازار سره د تبادلې نرخ به د حساب له مخې ټاکل کيږي.