د مسلم ليګ ن مشر نوازشريف له لندن نه دوبۍ ته رسېدلی او د مسلم ليګ ن مشرې تنظيمې مريم نواز لا له وړاندې په دوبۍ کې ده.

باغي ټي وي رپورټ

پخوانی لومړی وزیر نواز شریف له لندن څخه دوبۍ ته رسېدلی او امکان شته چې نواز شریف به له ۳ تر څلورو ورځو په دوبۍ کې پاتې شي، په دوبۍ کې له پاتې کېدو وروسته به نواز شریف سعودي عربستان ته ولاړ شي.

د مسلم ليګ (ن) مشره تنظيمه او نائب صدر مريم نواز هم په شخصي دوره دوبۍ ته رسيدلې ده، مسافرو د دوبۍ ته تللو نه وړاندې لاهور ائيرپورټ کښې د مريم نواز سره تصويرونه او سيلفيونه اخستي وو۔

مريم نواز پرته له پروتوکول د لاهور له هوايي ډګره وتلې او په عمومي مسافر خانه کې په کرسۍ کېناستله، هغې د VVIP پروتوکول او دولتي لاونج نه کار واخېست، د هغې زوی جنيد صفدر هم له مريم سره دوبۍ ته ولاړ.

د سرچينې د معلوماتو له مخې، امکان شته چې مريم نواز به هم له خپل پلار نواز شريف سره سعودي عربستان ته ولاړه شي.