د پنجاب نگران حکومت به نن د 1368 اربه روپو نه زياته بجټ وړاندې کوي۔

باغی ټی وی رپورټ

د پنجاب د خزانې وزارت د سرچينو ترمخه د څلور مياشتو بجټ کښې د روانو پرمختيائي پروژو لپاره 426 ارب 87 کروړه روپۍ او د غير پرمختيائي پروژو لپاره 941 ارب 34 کروړه روپۍ بېلې کړې شوي دي۔

د اول نه تر ۱۶م ټولګي پورې تنخواګانو کښې د ۳۵ فیصده زیاتوالي وړاندیز
د يوولسم ټولګي نه تر 16م ټولګي پورې د سرکاری ملازمينو تنخواه 35 فيصده او د 17 نه تر 22 ټولګي پورې د سرکاری ملازمينو تنخوا 30 فيصده زياتولې شي او د تقاعد زياتولو فيصله به د کابينې په غونډه کښې کيږي۔

دسرچينو ترمخه د لوړو زده کړو پروژو لپاره 69 ارب 8 کروړه، د سواد زده کړې او غير رسمي تعليم لپاره 4 ارب 64 کروړه، د پرائمري او ثانوي صحت لپاره 64 ارب 84 کروړه او د سکولونو تعليم څانګې لپاره 58 ارب 21 کروړه روپۍ د مختص کولو وړانديز شوی دی.

دسرچينو ترمخه دصنعت او تجارت پرمختيائي پروژو لپاره 32 اربه 18 کروړه روپۍ، د اطلاعاتو او کلتور رياست لپاره 3 ارب 41 کروړه، د انرجۍ لپاره 10 ارب 60 کروړه او د اولس د فلاح لپاره 2 ارب 90 کروړه روپۍ د مختص کولو وړانديز شوى دى. ښځې..

نگران کابینه به نن په غونډه کې د څلورو میاشتو لپاره د بجټ منظوري ورکوي

د پنجاب د خزانې وزارت د سرچينو له مخې، صوبايي حکومت د بېلا بېلو بينکونو 565 اربه روپۍ قرضدار دي او سږ کال به 32 اربه روپۍ د سود په توګه ورکوي.

سرچينه زياتوي، چې د لومړيتوبونو ګډې کمېټې د بوديجې شمېرې تصويب کړې او سرپرسته کابينه به په نننۍ غونډه کې د څلورو مياشتو لپاره بوديجه تصويب کړي.