د شورو په ورځ د ملک په سیاسي منظره کې د فواد چوهدري ډلې غیر متوقع ظهور په پي ټي آئي کې ګډوډي رامینځته کړې. کیدای شي څو میاشتې وخت ونیسي چې وضعیت په بشپړه توګه څرګند شي.
باغی ټی وی رپورټ
حتی د هغه ګوند مشرانو لپاره چې عمران خان یې نه دی پریښودلی، د می له نهمې وروسته وضعیت خورا ناڅرګند دی او دا اندیښنه شتون لري چې عمران خان د قانوني پایلو سره څنګه معامله وکړي.
عمران خان ته وفادار مشران د هغه د پام وړ ووټ بانک څخه خبر دي. د پي ټي ائي يو مشر دي نيوز ته ويلي که عمران خان نااهله اعلان شي نو د پارټۍ مشري به شاه محمود قريشي کوي۔ ده ووئيل چې پرويز خټك ته هم د آپشن په سترګه كتل كېږي خو هيڅ باور نه لري چې شاه محمود او پرويز خټك به سبا څه كوي۔
دا خلک نه یوازې په سیاسي لحاظ فعال دي بلکې واکمنو حلقو ته هم د منلو وړ دي. د شورو په ورځ د فواد چوهدري دغه ناڅاپي اقدام په پي ټي ائي کې د زياترو لپاره حيرانوونکې وه ځکه چې يواځې يوه هفته وړاندې هغه د پي ټي ائي له دوو نورو مشرانو عمران اسماعيل او محمود مولوي سره د ګوند پرېښودو اعلان وکړ.
دغو کسانو په اډياله جيل کې له شاه محمود قريشي سره وليدل او له هغې وروسته فواد چوهدري يو مطبوعاتي کانفرنس ته دوينا په مهال وويل چې دپي ټي ايم برخه گڼل کيدونکي سياسي گوندونو ته بايد د٢٥٠ ميليونه پاکستانيانو په رحم او کرم نۀ پريښودل شي.
هغه وویل چې د موثر اپوزیسیون په نشتوالي کې موجوده حکومت ته د لوبې کولو لپاره خلاص میدان نه شي ورکولی. نوموړي دا څرګندونې په داسې وخت کې کړي، چې په هېواد کې د یوه نوي سیاسي ګوند د جوړېدو اوازې دي، چې کېدای شي د تحریک انصاف ګوند غړي هم پکې شامل وي.
فواد وویل چې د قریشي سره د ملاقات نه علاوه یې د پرویز خټک، اسد عمر، اسد قیصر، فرخ حبیب، علي زیدي، حماد اظهر او نورو سره هم خبرې کړي دي. دا وضعیت غیر معمولي دی ځکه چې د قریشي زامن او اسد قیصر هڅه کوي له فواد چوهدري څخه ځانونه لرې کړي.
دا نه ده څرګنده چې دغه کسان څه پخوي، خو تمه کیږي چې په څو ورځو کې به وضعیت روښانه شي. شاه محمود او پرویز خټک دواړه دا وړتیا لري چې یو څه حیرانونکي حرکتونه وباسي. د PTI مشرانو سره د پردې تر شا خبرې (چې ډیری یې د نیولو څخه مخنیوي لپاره پټ دي) په PTI کې ډیر ګډوډي او بې باوري څرګندوي.
دا حالت د پي ټي ايي ډېری کسان دې ته اړ باسي چې د خپل سیاسي راتلونکي په اړه په مختلفو انتخابونو غور وکړي. دا خلک د عمران خان ووټونه غواړي خو نه پوهيږي چې د مائنس عمران فارمول به څه وي او د دې خلکو په سياست به يې څه اثر وي.
Leave a reply
