ننګرهار ولایت کې نن یو مدني فعال د ښار منځ کې پۀ ډزو وژل شوی دی

د نوموړي د کورنۍ یو غړي او د هغه ورور شاد نور مظلوم یارنن (سه‌شنبه، ۲۰ د تلې) رسنیو ته وویل، نن غرمه مهال شاوخوا دولس بجې ناپيژنده وسله والو د جلال‌اباد ښار څلورمې ناحیې اړوند «چهل مترې» سیمه کې مدني فعال عبدالرحمن معاون په ډزو وژلی.

هغه وویل چې د ښاغلي معاون تر وژنې وروسته یې عاملین له سیمې تښتیدلي دي.

تر اوسه کوم چا یا ډلې د نوموړي د وژنې مسوولیت نه دی اخیستی.

په دې وروستیو کې جلال باد ښار او ولسوالیوکې هدفي وژنو زور اخیستی، چې دې حالت ولسي خلک اندیښمن کړي دي.

طالبانو بیا د ښار د امینت ډاډ ورکړی او ویلي ئې دي چې ډېر ژر به د آار امنیت خوندي کړي.