د پاکستان تحریک انصاف مشرې یاسمین راشد اعتراف کړی چې هغې ته معلومه ده چې هغه ګاډی د چا ملکیت دی چې پکې د تحریک انصاف د فعال علي بلال عرف ظل شاه جسد راوړل شوی وو

باغی ټی وی رپورټ
د پاکستان تحریک انصاف مشرې یاسمین راشد اعتراف کړی چې هغې ته معلومه ده چې هغه ګاډی د چا ملکیت دی چې پکې د تحریک انصاف د فعال علي بلال عرف ظل شاه جسد راوړل شوی وو.

ياسمين راشد د جيو نيوز په پروګرام نوي پاکستان کې د خبرو پر مهال وويل، زه له دوو ورځو راهيسې پوه شوم چې د تور موټر مالک څوک و چې ظالشاه روغتون ته راوړی و.

کله چې کوربه شهزاد اقبال له یاسمین راشد څخه وپوښتل چې ته کله خبر وې رسنیو ته یې ولې ونه ویل؟ یاسمین راشد په دې پوښتنه مغشوش شو.

د پي ټي ائي مشر د کوربه د پوښتنې په ځواب کې وويل، “تاسو فکر کوئ چې زه يوازې ناست يم او سوشل ميډيا ته ګورم، نور ډېر کارونه هم لرم.”

ياده دي وي چي تيره ورځ د پنجاب نګران وزيراعلي او آئي جي پنجاب پوليس لاهور کښي يو خبري کانفرنس کښي د علي بلال د مړيني په اړه يو شمير انکشافات کړي وو۔

د پنجاب نګران وزیراعلی محسن نقوي ویلي دي چې د پي ټي ايي د فعال علي بلال مړینه د پولیس تشدد نه بلکې د ګاډي د ټکر له امله شوې ده او د هغه ګاډي مالک چې مړی یې روغتون ته راوړل شوی د پي ټي ايي مرکزي پنجاب غړی راجا شکیل دی. هغه یاسمین راشد ته معلومات ورکړل چې سړی له موټره راښکته شو.