د ریاست الوزراء سیاسي مرستیال تیره ورځ د ننګرهار ولایت د شینوارو قوم له مخورو سره د هغوی د ستونزو د اوریدو په موخه کتلي.

د ریاست الوزراء سیاسي مرستیال تیره ورځ د ننګرهار ولایت د شینوارو قوم له مخورو سره د هغوی د ستونزو د اوریدو په موخه کتلي.

10 مارچ جمعه 2023

د افغانستان اسلامي امارت د ریاست الوزراء سیاسي مرستیال مولوي عبدالکبیر نن په سپېدار ماڼۍ کې د ننګرهار ولایت د شینوارو یو شمېر قومي مشرانو، علمای کرامو او ځوانانو سره وکتل.

یادو قومي مشرانو او علمای کرامو په افغانستان کې د اسلامي نظام پر ټینګښت خوښي وښوده او د هر راز همکارۍ ډاډ یې ورکړ.

هغوی زیاته کړه، د اسلامي امارت پایښت د ولسونو ملاتړ او همکارۍ ته اړتیا لري او په دې برخه کې هر راز قربانۍ ته چمتو دي.

د شینوارو قومي مشرانو او علمای کرامو دغه راز د ریاست الوزراء سیاسي مرستیال سره د خپلې سيمې ستونزې او وړاندیزونه هم شریک کړل.

د ریاست الوزراء سیاسي مرستیال له شینوارو ولسونو څخه په مننې وویل، افغان ولس په تاریخ کې ثابته کړې چې د هیچا غلامي نه مني او د دوی په ملاتړ الحمدلله افغانستان نن د بشپړ اسلامي نظام څښتن دی.

مولوی عبدالکبير په دواړو جهادونو کې د شينوارو ونډه او مبارزه وستايله زياته يې کړه، اسلامي امارت هڅه کوي په ټولو برخو کې د ولس د ښېرازۍ لپاره اساسي کارونه وکړي.

اړوند موضوعات

د ریاست الوزراء سیاسي مرستیال تیره ورځ د کور او ښار جوړولو وزارت له مرستیال سره کتلي.

د رياست الوزرا سياسي مرستيال د خپلو خبرو پای کې وويل، په ځينو برخو کې به ستونزې وي، خو موږ يې د رفع کولو لپاره هڅو ته دوام ورکوو او ډاډ يې ورکړ چې ستونزې به يې د حل په موخه اړوندو ادارو سره شريکې کړي.