اروپايي ټولنه وايي چې زرګونه افغان کډوال باید م،م په غوښتنه ومنل شي

اروپايي ټولنه وايي چې زرګونه افغان کډوال باید د م،م پۀ غوښتنه ومنل شي

اروپايي ټولنې ویلي چې په دوو کلونو کې د ۴۲۵۰۰ افغان کډوالو د منلو په اړه د کډوالو په چارو کې د ملګرو ملتونو د عالي کمیشنرۍ غوښتنه منل کېدلی شي.

(2021 / 10 / 8  نېټه باغي ټلویزیون)

بشپړ راپور

اروپايي ټولنې ویلي چې په دوو کلونو کې د ۴۲۵۰۰ افغان کډوالو د منلو په اړه د کډوالو په چارو کې د ملګرو ملتونو د عالي کمیشنرۍ غوښتنه منل کېدلی شي.

دوی وايي چې په دې اړه هره پرېکړه باید د اروپايي ټولنې غړي هېوادونه ونیسي.

د اروپايي ټولنې د کورنیوچارو کمېشنرې یلیا جوهانسن له خطر سره د مخو افغانانو په اړه ویلي چې دا د هر چا اخلاقي مسؤلیت دی چې باید د هغو افغانانو ژوند وژغوري.

د ملګرو ملتونو د اټکل له مخې اوسمهال شا و خوا ۸۵ زره افغانان  اروپايي هېوادونو ته نیږدې د یادو هېوادو له خوا د پنا ورکولو په تمه دي.

ملګرو ملتونو ویلي چې د افغان مهاجرینو ستونزو ته په کتلو دې ته اړتیا ده چې اروپايي ټولنه له ۸۵ زره افغانانو څخه خو ئې نیمايي ومني.

جوهانسن ویلي چې افغانستان کې د امریکا د جنجالي ماموریت څخه وروسته ۲۴ اروپايي هېوادونو ۲۲ زره افغان کډوال منلي دي.

دا په داسې حال کې ده چې ملګرو ملتونو څه موده وړاندې خبر ورکړی ؤ چې ممکن راتلونکی کال ۵ لکه افغانان کډوالۍ ته اړ شي.